UN DIA EN UVIEU

Ya vos lo dixi mil veces: non guelvo a d’ir más a Uvieu. No quiero que mi asuceda, lo que ja un añu y mediu, cuando vendí la mio Norma a Pinón de Pachu el Riegu.

Vo cuntávoslo, si estaes una migayina atentos.

           Mercara yo en S. Cucao una vaca a Xuan el Seldu, que meyor nunca hebo, ni tan buena en t’ul Conceyu. No la tebi en mio poder más que dos años y mediu, pues en esti pocu tiempu tres ñaciones mi soltó, que mi diren guenes perres. De lleche daba la probe, y mialma si pisca miento, 14 ó 15 cuartillos,tanque más, tanque menos. Pero d’ últimu partu dexó de dar lleche d’ un tetu, por lo que tebi  el recelu de qu’ escosaren les otres, y vendela heme resueltu.

        El miércoles de mañana dixi yo a la mio Rosona: mañana vamos a Uvieu. Y si vendemos la Norma, vamos al teatru del conciertu. ¡Y sina lo jaciemos , por ciretu!.

El xueves pe la mañana, entamámosla p’a Uvieu. Y en S. Llázaro atopeme con Pinón de Pachu el Riegu, que ofreciomi por la mio Norma, la mio vaca, 1.500, pero yo quería 1.700. Y Pinón qu’e más tercu qu’una gocha tebergana, apostaba vocinglerua que de lleche non daba doce litros a lo menos.

     ¡Qué,maguetu, dixi yo!
   
       Y pa convencelu propusi que la catara allí en ca d’un taberneru. Y así lo jaciemos , por ciertu. Entramos allí todos en corru, y despues de bien catá, convenciose el fiu d’el Riegu, y allí cerramos el tratu, pero en las 1.700,que yo quería.
                 Aquel día, por ser xueves, rompió una pipa Ceferu, que tenía buena sidre , por ciertu, y con un pocu de resecu, que yo traía, la jartura joi curiosa, ¡ cuarenta culines  lo menos!. Yo cuando salí d’alli, ya iba bien puestu!!!!.
Pero garrome  Rosona per un brazu, que si no, axuro y apuesto, que do , como ero Pachu, con los jocicos en suelu.

Llegamos a la Calle Uría, que paecía un jormigueru. ¡!!Que de coches , Santu Cristu, pasaban y sin tropiezu, per debaxu d’aquel  arcu n’a plaza l’Ayuntamientu!!!

     Tamién viemos atomoviles, que metían un ruidu tremendu,. que son coches c’a mio modu de ver llevan los caballos dientro.

Entramos  a un cafetucu, que está muy guapu per dientru, con sofases y trichuelas ,forraos de terciupelu. Y había un hombrucu, jaciendo que tocaba un istrumentu, que paecía un escudilleru, ¡ y muy bien lo jacía a mio xuiciu el purreteru!. Gustomi más que Xeromu el de Constancia, cuando toca en’a so gaita el fandangu’l xiringuelu. Yo tomé nueve cafeses , con lo que la mio cogorza desapaeció por completu.

           Al pasar la Puerta  Nueva, casi enfrente al Mataderu, dixi yo a la mio Rosona:! Eh, eh, no mires pa l’ isquierda qu’ hay orieganu!.
  
           Llegamos a una casona, con estantes de cementu, y un un cartelon enfrentau, que dicía en estos términos: Teatru del Campuamor, Compañía del Guerreru.

          ¡Esti e ‘lteatru Rosona, dixi yo a la mio muyer. Vamos pa dientro¡. A la puerta había un hombrucu, que detrás de ventanucu, señas mi estaba jaciendo. Arrímome allá y díxomi:” yo soy el que vende las entradas”, pa entrar a ver la función.
                                 
                       Buenu, dixi yo, demi dos, de lo meyor, por supuestu. Apurriomi pel ventanu dos papelucos mariellos, cobrandomi dos pesetas que tovía esto sintiendo. Y a la puerta había otro hombrucu, emperixilau y tiesu, que garromi los papeles y partiómilos pel mediu.

                 ¡Recoño,nunca tal ofensa mi jaciera dengunu delante la mio muyer!!.

                ¡Arremango la guiyada p’atizai a ‘quel zopencu,y si Rosa no m’agarra, axuro y apuesto a que doi un cibiellazu que lu mando al cimenteriu¡.

                Pero al dami explicaciones de por qué jacía aquello; dixo que era un requisitu pa poder pasar p’adientru. Con estes esplicaciones que mi dio, finu y correctu arreglamos la cuestión. Ensiñonos la escalera pa subir al acomodu, llamabanlu “paraisu”! Y miánicas, que paecía un infiernu,cól calor qu’allí jacía, más propiu de un maguestu!

             Cuando estábamos sentaos, y tovía no i daban a la función el comienzu, púxime a miralo tou, pa poder cuntalo lluego. Abaxu, había un corru d’ hombrucos, cada cual con so istrumentu; unos tocaban guitarras, cornetines y tambores, que metían un ruidu del infiernu. Y había otru hombrin, chiquinin, que el demoniu mi coma el fígadu, que no midía noventa centimetros lo menos, que dabai con una verdiasca, que untaba con caramelu, pa que sonara meyor el diañu del istrumentu. Había tamién otru, que traía la chaqueta rompía pel llombu y una variquina entre los didos. Con que, en esto, escomenzó a jacer cruces en aire con ta xeniu, que los otros sumisinos tocaban todos a un tiempu.!Esto e cosa del diablu¡, dixi yo. Aquel del mediu, ye el que  trae’l manubriu pa ximielgar los muñecos. La mio muyer, que tien un distintu fieru,dixomi al oidu: “Pachu, barrunto que nada guenu v’a pasar n’ esta casa. Así joi en efectu. Descomenzó la tocata, ximielgose un campanin per dientro, y de repente, llevantose la parea p’arriba.! Ai Virxen santisima, yo topellé con aquello¡

         Salió una moza muy guapa y detrás un majaderu, que quería a la juercia consiguila. Vien el mozu d’ella, que llegaba echando juevu, sin dici palabra alguna, agarrolu pel piscuezu, pegoi unos ximielgazos, y después que lu vio en suelu, pegoi unas puñalaes y dejolu en estau perefctu. Enseguida vien el xuez con dos civiles y con ellos vien el padre del autor de aquel sucesu. Pa librar al so jiyu del patible, dixo elli a los civiles:”yo joi el que mató a esti hombre, llevaime presu. Asina que lo oye el xuez, manda que lu jagan presu. Márralun codu con codu y pa la cárcel derechu. Ningunu gorgutio palabra al ver aquel atropellu. Pero yo non podí menos y dixi:”oye, mazcayos, non joi esi, joi esi otru.

          Por dicir esto na más, vien allí un municipal y sacome del asientu.Llevome a un cafetucu y allí mi jaz estar quietu. Yo creí qu’ iba convidame.! Pero que va hombre,¡ non joi así. Sacó un cuadernu del bolsu, tomomi l’afiliación y jezomi pagar ¡”un machacante “ muy tiesu¡. 

         Por eso ya vos lo dixi:!” non guelvo a ir más a Uvieu¡

         Nota. Esto está sacado de una cinta de Pedro el de conceyu. Ya sabeis quien es.
  

Pepe Díaz.

        25-2-2007